पद्मावती, ता. भोकरदन, जि. जालना
येथील 2 स्थान - हे स्थाने पद्मावती गावाच्या उत्तरेकडे गावालगतच 300 मी.अंतरावर तपोवन भागात महादेव मंदीर आहे, या मंदीराच्या चौकात आहे. (आता येथे ओटे झाले आहेत.)
जाण्याचा मार्ग :
पद्मावती हे गाव, वालसांगवी-मासरूळ मार्गावर वालसांगवीहुन आग्नेयेस 2 कि.मी. आहे व मासरूळहुन 3 कि.मी.आहे. पारध ते पद्मावती 4 कि.मी. पिंपळगाव ते पद्मावती (पारध मार्गे) 9 कि.मी. (पद्मावती हुन मासरूळची स्थाने नमस्कार करण्यासाठी जाता येते.)
स्थानाची माहिती :
1. तपोवनी आसन स्थान :
हे स्थान पद्मावती गावाच्या उत्तरेस 300 मीटर अंतरावर धामना नदीच्या बेटातील तपोवन विभागात महादेवाच्या देवळापुढे चौकात आहे.
लीळा : सर्वज्ञ श्रीचक्रधरप्रभू आपल्या परिभ्रमणाच्या पूर्वार्ध काळात वालसांगवीहून तपोवनला आले. त्यांना येथे थोडा वेळ आसन झाले. (पू.ली. 424, स्था.पो.)
Google Map Location Link 👈 (किल्क करा)
2. आसन स्थान :
हे स्थान चौकातील आसन स्थानापासून दक्षिणेस 43 फूट अंतरावर आहे. सर्वज्ञांच्या वेळी येथे लिंगाची देऊळी होती. त्या देऊळीतील हे स्थान होय.
लीळा : महादेवाच्या देवळात रचमच असल्यामुळे सर्वज्ञ तेथून येथे आले. त्यांना या ठिकाणी आसन झाले. त्यावेळी सिद्धनाथाची पूजा करायला आलेला साईदेव नावाच्या भक्तासोबत भेट झाली, त्याच्या विनंतीवरून स्वामी त्याच्या सोबत मासरूळ ला गेले. (पू.ली. 424, स्था.पो.)
अनुपलब्ध स्थान :
1. सिद्धनाथाच्या अंगणातील दांडी आरोहण स्थान.
पद्मावतीची एकूण स्थाने : 3
- Purvardha Charitra Lila – 424
- Padmavati : साइंदेवा भेटी :॥: मासरुळीं अवस्थान :॥:
- गोसावी तपोवनी सिद्धनाथाचेया देउळांतु बीजें केलेंः पूर्वामुख सिद्धनाथाचे देउळः जगतिसी दारवंठे दोनः एक पूर्वाभिमुखः एक उत्तराभिमुखः भितरी चौकीं नावेक आसन जालेंः सिद्धनाथाचे रचमचेचे देउळ म्हणौनि तेथौनि बीजें केलेंः सिद्धनाथाचेया देउळादक्षिने आडवांगी जगतिआंतु आग्नेये लिंगाची देउळी पूर्वाभिमुखः तिये देउळीये बीजें केलेंः तेथ आसन जालें :॥: तवं साइंदेवा सिद्धनाथाची भक्तिः तें दांडीये बैसोनि देउळासि आलेः चौकीं आपुलीं वस्त्रें ठेवलींः कौपिनु केलाः आपनचि घागरी घेउनि पाणी वाहिलेः सिद्धनाथाचां आंगणि सडा घतलाः देवतेसि स्तर्पण केलेः पूजा केलीः मग प्रदक्षिणा करावेया तेउते आलेः तवं गोसावीयांते आसनी देखिलेंः भेटी जालिः दंडवतें घतलीः श्रीचरणां लागलेः जवळी येउनि बैसलेः मग गोसावीयांते गावांतु नेयावेया विनविलेः गोसावी विनती स्वीकरिलीः आणि परमानंदातें पावलेः गोसावी आंगणीं दांदीयेवरि आरोहण केलेः तें वोडनखांडे घेउनि पाइकासरिसे पुढा खोलत निगालेः गोसावी तयांते घोडेयावरि बैसविलेः सर्वद्यें म्हणीतलेः नायेको तुम्ही घोडेयावरि बैसाः तिही म्हणीतलेः जीजी मी घोडेयावरि न बैसेः मी गोसावीयांपूढे खोलैनः सर्वद्यें म्हणीतलेः तरी हे उतरेलः मग ते घोडेयावरि बैसले :॥: मग गोसावी मासरुळा बीजें केलेंः उत्तरेचिया नगरमहाद्वारे गोसावी भितरी बीजें केलेंः ओवाळणी जालीः मग साइंदेवाचेया आवारासि बीजें केलेंः पटिशाळे उच्चासन घातलेः अर्ध्यपाद्य करौनि गंधाक्षत केलेंः गोसावीमुख्य समस्तासि टिळे विडे दिधलेः मग ओलनि ओळगवीलिः मर्दना मादने जालेयानंतरे सर्वांगी चंदनः अनेक पूष्पमाळाः धूप दिपः गंधः कणकमणिमय अळंकारभुशणीं ऐसे गोसावीयांते अर्चिलेः मग गोसावीयांसी ताट केलेंः आरोगणा जालीः साइंदेवासि पांती प्रसादु जालाः तेथ तचिये देव्हारचौकिये मासु एकु अवस्थान जालेंः त्यांतें एक ब्राम्हणाचें भानवस होतेः तेथ भक्तिजनालागी अन्न निफजेः गोसावीयांलागी उपाहारु निफजेः कदाचित तयाचेया घरिहुनि गोसावीयांलागी ताट येः गावापुर्वे विहीरः विहीरीपुर्वे पाळी आंबाः तेथ गोसावीयांसी विहरण होयेः प्रतिदिनी तिकडेचि परिश्रया बीजें करीति :॥: (टिप – येथे हे पहील्यांदा येने.. स्वामी आपल्या पूर्वार्ध परिभ्रनण काळात सेंदुर्णींवरुन सावळदबार्‍याला आले. सावळदबार्‍याला 20 ते 30 दिवस वास्तव्यानंतर मासरुळकडे जाताना स्वामींचे जाळीचादेव येथे आसन झाले. तेथुन स्वामी वालसावंगीवरुन तपोवन(मासरुळ)ला आले. येथे स्वामींचे 1 मास वास्तव्य (अवस्थान) झाले…)