चापडगाव, ता. शेवगाव, जि. अहमदनगर
येथील 1 स्थान - हे स्थान चापडगांव गावाच्या पूर्वेकडे 1 कि. मी. अंतरावर काटपाडी नदीच्या काठावर महादेव मंदीरापुढे आहे.
जाण्याचा मार्ग :
चापडगाव, शेवगाव-गेवराई मार्गावर शेवगावहून पूर्वेस 15 कि. मी. आहे व गेवराईहून वायव्येस 49 कि. मी. आहे. नेवासा ते चापडगाव 55 कि. मी. चापडगावला जाण्यासाठी एस. टी. बस सेवा उबलब्ध आहे. वरखेडहून कुकाणा शेवगावमार्गे चापडगावला जाता येते.
स्थानाची माहिती :
1. वसती स्थान :
हे स्थान चापडगावच्या पूर्वेस अर्धा फर्लाग अंतरावर काटपाडी नदीच्या पश्चिम काठी श्री. शंकर हडके यांच्या शेतात सिद्धनाथाच्या (महादेवाच्या) पश्चिमाभिमुख देवळापुढे उत्तराभिमुख देवळात आहे.
लीळा : सर्वज्ञ श्रीचक्रधरप्रभू आपल्या परिभ्रमणाच्या पूर्वार्ध काळात घोटणहून चापडगावला आले. त्या वेळी त्यांचे या ठिकाणी एक रात्र वास्तव्य होते (पू.ली. 306 ख प्रत) व उत्तरार्ध काळातही घोटणहूनच चापडगावला आले. त्या वेळीही त्यांचे येथे एकच रात्र वास्तव्य होते. उत्तरार्धात येथे आउसांची व हंसराजांची भेट झाली. रात्री आरोगणा झाली. (उ.ली. 423 ख प्रत, स्था. पो.)
पूर्वार्धातील एक दिवसाच्या वास्तव्यानंतर सर्वज्ञ येथून बोरीपिंपळ गावला गेले व उत्तरार्धातील एक दिवसाच्या वास्तव्यानंतर ते येथून लाडजळगावला गेले.
Google Map Location Link 👈 (किल्क करा)
अनुपलब्ध स्थान :
1. देवळाच्या उत्तरेचे परिश्रय स्थान.
चापडगावची एकूण स्थाने : 2
- Purvardha Charitra Lila –